Условие:
И приде в словени, идеже ныне Новгород, и виде ту люди сущая, како есть обычай им, и како ся мыють и хвощются, и удивися им. И иде в варяги, и приде в Рим, и исповеда, елико научи и елико виде, и рече им: «Дивно видех Словеньскую землю идучи ми семо. Видех бани древесны, и пережгуть е рамяно, и совлокуться, и будут нази, и облеються квасом, и возмуть на ся прутье младое, и бъють ся сами, и того ся добъють, едва слезуть лѣ живи, и облеются водою студеною, и тако ожиуть. И то творять по вся дни, не мучими никим же, но само ся мучать, и то творять мовение собе, а не мученье.
