Условие:
Въ лЂто .ҀХМ. ПрЂставися Мьстиславъ КыевЂ, Володимириць, априля въ .ДI.; а Яропълкъ седе на столЂ, брат Мьстиславль. Въ се же лЂто ходи ВсЂволодъ въ Русь Переяславлю, повелениемь Яропълцемъ, а целовавъ крестъ къ новгородцемъ, яко хоцю у васъ умерети. И рече Гюрги и АндрЂи: «се Яропълкъ, брат наю, по смерти своеи хощеть дати Кыевъ Всеволоду, братану своему»; и выгониста и ис Переяславля. И приде опять Новугороду; и бысть въстань велика въ людьхъ; и придоша пльсковици и ладожане Новугороду, и выгониша князя ВсЂволода из города.

